قررت أدي فرصة للويب سيتس على الانترنت يمكن يدولي فكرة و ألاقي مكتوب قدامي إسم يخطف قلبي وأقول "هو دة..هو دة الإسم إلي هختاره لابني"
ولكن باءت الفكرة بالفشل الذريع، بالرغم اني اديت للموضوع كذا فرصة وجربت كذا وب سايت ,لكن النتيجة كانت اني قررت اقفل هذه الصفحة نهائياً ولايمكن أبص تاني فيهم أبداً.دي أسامي لايمكن حد يسميهم فالعالم , بس الجانب المشرق انها خلتني اقتنع إن أي إسم نختاره هيبقى حلو وجميل،طالما إسم طبيعي ومعناه طبيعي, لأن طلع في كوارث في عالم الأسامي ده. وإدتني الصبر والقناعة إن نستنى أما البيبي يجي بالسلامة نبقى نقررله إسم إنشاء الله. أصل مش هنغلب !
النهاردة أنا وأرواح مرات إبن خالي كنا بندردش على الانترنت، وطرح موضوع الاسامي,فقررت مشكورة تساعدني وتبعتلي ويب سايت لعين مليء بأجمل أسماء الأولاد لعام ٢٠١٣... كان السبب الأكبر طبعاً مكنش عشان ألاقي أفكار نميسة.. ولكن عشان أسلي نفسي وأرفه عن نفسي شوية في وسط يوم العمل.. أهو كسر للروتين.. متشكرين يا أرواح.
المهم، بدأت اقرأ في الاسماء المكتوبة.. و بجد مش عارفة الناس ده بتجيب الكلام ده منين? هل فعلاً في ناس بتسمي الأسامي ديه ؟؟
:على سبيل المثال
ولكن باءت الفكرة بالفشل الذريع، بالرغم اني اديت للموضوع كذا فرصة وجربت كذا وب سايت ,لكن النتيجة كانت اني قررت اقفل هذه الصفحة نهائياً ولايمكن أبص تاني فيهم أبداً.دي أسامي لايمكن حد يسميهم فالعالم , بس الجانب المشرق انها خلتني اقتنع إن أي إسم نختاره هيبقى حلو وجميل،طالما إسم طبيعي ومعناه طبيعي, لأن طلع في كوارث في عالم الأسامي ده. وإدتني الصبر والقناعة إن نستنى أما البيبي يجي بالسلامة نبقى نقررله إسم إنشاء الله. أصل مش هنغلب !
النهاردة أنا وأرواح مرات إبن خالي كنا بندردش على الانترنت، وطرح موضوع الاسامي,فقررت مشكورة تساعدني وتبعتلي ويب سايت لعين مليء بأجمل أسماء الأولاد لعام ٢٠١٣... كان السبب الأكبر طبعاً مكنش عشان ألاقي أفكار نميسة.. ولكن عشان أسلي نفسي وأرفه عن نفسي شوية في وسط يوم العمل.. أهو كسر للروتين.. متشكرين يا أرواح.
المهم، بدأت اقرأ في الاسماء المكتوبة.. و بجد مش عارفة الناس ده بتجيب الكلام ده منين? هل فعلاً في ناس بتسمي الأسامي ديه ؟؟
:على سبيل المثال
- بندر: كلمة هندية أعجمية بمعنى قرد
- جروان: إبن الاسد أو الكلب
- قتيبة: معناها الأمعاء
- طارق: كوكب الصباح القادم ليلاً
أسماء ومعاني تتحدث عن نفسها، الاسم الوحيد الطبيعي هو طارق،بس بالنسبة للمعنى ؟ هو أكيد له عمق فلسفي شديد، بس أنا مش قادرة استوعبه. أما بالنسبة اني أسمي ابني "أمعاء، أو إبن كلب. أو قرد" فده أكيد مش طبيعي..
يكبر ابني ويسألني "ليه سمتيني قتيبة يا ماما ؟" ساعتها هرد وأقوله:"عشان مصارين البطن بتتخانق وتتصالح وأنا عوذة أخلاقك من أخلاق الأمعاء.تبقى سمح كدة ذيهم.
في اسمين بردو شدو انتباهي الحقيقة وهما: يعفور وسموح بس الحقيقة محولتش أعرف معانيهم.. الإسم وحده يكفيني
إنبهاراً.
أفلت الويب سايت وأنا كلي قناعةً إن قراري بمقاطعة هذه الوب سيتس من أصح القرارات إلي أخذتها في حياتي,وإن أنا شاكرة الأهلي جداً على حسن اختيارهم لإسمي.. يمكن عدم وجود انترنت في حياتكم كان له أثر إيجابي على حياة جيل بحاله.
ملحوظة: ترددت كثيراً و أنا بختار إسم أرواح.. فبالتالي فتحت سايت أحدث الأسماء للبنات
٢٠١٣,وكان الحقيقة الموضوع صعب، واعدت مترددة مابين أكثر من إسم لحد أما لقيت إن أرواح أحسنهم إسماً ومعنى.
فارواح تعني النسيم العليل.
الاربع اختيارات التانيين كانو : "بوران" و هي الأرض الجرداء، "وسن" وهو النعاس وثقل النوم "ميسم" وهو العضو المؤنث في .الزهرة !!! وأخيراً "إغراء".. والإسم شارح نفسه
